ការចុះផ្ទៀងផ្ទាត់និយាមកាបោះបង្គោលព្រំដី និងរៀបចំផែនទីលម្អិតតាមបណ្តោយព្រែកជីកហ្វូណនតេជោ សម្រាប់កំណាត់ទី១ ប្រវែង ២១គីឡូម៉ែត្រ (ព្រែកតាកែវ-ព្រែកពោធិ៍ ) ត្រូវបានបញ្ចប់ ១០០% | ក្រុមហ៊ុន SpaceX – Starlink ស្វែងរកឱកាសវិនិយោគ​នៅកម្ពុជា | សមាគមអភិរក្សសត្វត្មាតពីការផុតពូជប្រចាំទ្វីបអាស៊ី SAVE បានវាយតម្លៃថាវត្តមានសត្វត្មាតនៅកម្ពុជាឆ្លុះបញ្ចាំងពីកិច្ចការពារនិងអភិរក្សធនធានធម្មជាតិបានយ៉ាងល្អ | ទូតអ៉ីស្រាអែលប្ដេជ្ញាចិត្ត ពង្រឹង និងពង្រីកកិច្ចសហប្រតិបត្តិការជាមួយកម្ពុជា ឱ្យកាន់តែរីកចម្រើនបន្ថែមទៀត | ឆ្មាំទន្លេនៅតំបន់ការពារសត្វផ្សោតទន្លេមេគង្គចំនួន ៣រូប ត្រូវបញ្ចប់តួនាទី ក្រោយរកឃើញថាមានជាប់ពាក់ព័ន្ធនឹងការនេសាទខុសច្បាប់ | BREAKING: ដកតំណែងប្រធានសាលាដំបូងខេត្តតាកែវព្រោះដោះលែងទណ្ឌិតជាប់ទោសពីបទឃាតកម្ម មិនទាន់បានអនុវត្តទោស ២/៣ នៃទោសសរុប |
ការចុះផ្ទៀងផ្ទាត់និយាមកាបោះបង្គោលព្រំដី និងរៀបចំផែនទីលម្អិតតាមបណ្តោយព្រែកជីកហ្វូណនតេជោ សម្រាប់កំណាត់ទី១ ប្រវែង ២១គីឡូម៉ែត្រ (ព្រែកតាកែវ-ព្រែកពោធិ៍ ) ត្រូវបានបញ្ចប់ ១០០% | ក្រុមហ៊ុន SpaceX – Starlink ស្វែងរកឱកាសវិនិយោគ​នៅកម្ពុជា | សមាគមអភិរក្សសត្វត្មាតពីការផុតពូជប្រចាំទ្វីបអាស៊ី SAVE បានវាយតម្លៃថាវត្តមានសត្វត្មាតនៅកម្ពុជាឆ្លុះបញ្ចាំងពីកិច្ចការពារនិងអភិរក្សធនធានធម្មជាតិបានយ៉ាងល្អ | ទូតអ៉ីស្រាអែលប្ដេជ្ញាចិត្ត ពង្រឹង និងពង្រីកកិច្ចសហប្រតិបត្តិការជាមួយកម្ពុជា ឱ្យកាន់តែរីកចម្រើនបន្ថែមទៀត | ឆ្មាំទន្លេនៅតំបន់ការពារសត្វផ្សោតទន្លេមេគង្គចំនួន ៣រូប ត្រូវបញ្ចប់តួនាទី ក្រោយរកឃើញថាមានជាប់ពាក់ព័ន្ធនឹងការនេសាទខុសច្បាប់ | BREAKING: ដកតំណែងប្រធានសាលាដំបូងខេត្តតាកែវព្រោះដោះលែងទណ្ឌិតជាប់ទោសពីបទឃាតកម្ម មិនទាន់បានអនុវត្តទោស ២/៣ នៃទោសសរុប |

សាលាដំបូងរាជធានីភ្នំពេញថ្លែងការណ៍លើករណីចុះផ្សាយព័ត៌មានទាមទារប្រាក់ ២០០០ដុល្លារជាថ្នូរនឹងការដោះលែង

  • ចុះផ្សាយថ្ងៃទី២២ ខែមេសា ឆ្នាំ២០២៤ ម៉ោង ១៣:១៤ នាទី ដោយ Mesa
  • 2200
  Aa |   aA

រាជធានីភ្នំពេញ៖ អ្នកនាំពាក្យសាលាដំបូងរាជធានីភ្នំពេញ នៅថ្ងៃអាទិត្យម្សិលមិញនេះបានចេញសេចក្ដីថ្លែងការណ៍មួយស្ដីពីករណីការផ្សព្វផ្សាយព័ត៌មានរបស់គណនីហ្វេសប៊ុកឈ្មោះ ផែង វណ្ណៈ ទាក់ទងទៅនឹងការបង្ហោះសារដែលមានខ្លឹមសារថា "តើអ្នកណាទារលុយ ២០០០ដុល្លារដើម្បីជាថ្នូរដោះលែងប្តី"? 

បើតាមសេចក្ដីថ្លែងការណ៍លេខ ១០២ សបព/២៤ ចុះថ្ងៃអាទិត្យ ទី២១ ខែមេសាម្សិលមិញនេះ អ្នកនាំពាក្យសាលាដំបូងរាជធានីភ្នំពេញបានបញ្ជាក់ថា សាលាដំបូងរាជធានីភ្នំពេញបានទទួលចាត់ការសំណុំរឿងព្រហ្មទណ្ឌលេខ២១៣៥ ចុះថ្ងៃទី៣១ ខែមីនា ឆ្នាំ២០២៤ ដែលមានជនត្រូវចោទឈ្មោះ លន ឡុង ភេទប្រុស អាយុ២៧ឆ្នាំ ត្រូវបានចោទប្រកាន់ពីបទ បើកបរបង្កគ្រោះថ្នាក់ចរាចរណ៍បណ្តាលឱ្យរបួសអ្នកដទៃ។ ក្រោយពីបានស្តាប់ចម្លើយជនត្រូវចោទ និងពិនិត្យភស្តុតាងរួចរាល់ ចៅក្រមស៊ើបសួរនៃសាលាដំបូងរាជធានីភ្នំពេញបានសម្រេចឃុំខ្លួនបណ្តោះអាសន្នលើជនត្រូវចោទឈ្មោះ លន ឡុង នៅថ្ងៃទី០៣ ខែមេសា ឆ្នាំ២០២៤ ដើម្បីបន្តចំណាត់ការស៊ើបសួរតាមនីតិវិធីច្បាប់។

សេចក្ដីថ្លែងការណ៍ដដែលបានបញ្ជាក់ថា នៅថ្ងៃទី០៨ ខែមេសា ឆ្នាំ២០២៤ សាលាដំបូងរាជធានីភ្នំពេញបានទទួលពាក្យសុំការពារសិទ្ធិឱ្យជនត្រូវចោទ និងសុំថតចម្លងសំណុំរឿងរបស់មេធាវីការពារសិទ្ធិឱ្យជនត្រូវចោទ និងនៅថ្ងៃទី១០ ខែមេសា ឆ្នាំ២០២៤ សាលាដំបូងបានទទួលពាក្យសុំដកពាក្យបណ្តឹងរបស់ឈ្មោះ អោក កុសល ជាអ្នកតំណាងឱ្យភាគីបើកបរម៉ូតូ ចុះថ្ងៃទី០៩ ខែមេសា ឆ្នាំ២០២៤ ដោយមានជំនួយការមេធាវីជាអ្នកយកពាក្យសុំមកដាក់ តែមកដល់ពេលនេះចៅក្រមស៊ើបសួរពុំទាន់បានទទួលពាក្យសុំឱ្យដោះលែងនៅក្រៅឃុំដើម្បីពិនិត្យចាត់ការតាមនីតិវិធីច្បាប់នៅឡើយ។

អ្នកនាំពាក្យសាលាដំបូងរាជធានីភ្នំពេញបានបញ្ជាក់បន្ថែមថា ផ្អែកតាមការសាកសួរព័ត៌មានដោយផ្ទាល់ពីប្រពន្ធជនត្រូវចោទ, មេការឡាន, ថៅកែឡាន រួមទាំងមេធាវីបានឆ្លើយបញ្ជាក់យ៉ាងច្បាស់ថា ការទារលុយចំនួន ២០០០ដុល្លារអាមេរិកនេះ គឺប្រពន្ឋជនត្រូវចោទថាបានឮពីមេការឡាន ហើយមេការឡានថាបានឮពីថៅកែឡាន ហើយថៅកែឡានថាបានឮពីមេធាវី ហើយមេធាវីបានទទួលស្គាល់ថាពិតជាបានទារលុយ ២០០០ដុល្លារអាមេរិក ដែលលុយចំនួន ២០០០ដុល្លារអាមេរិកនោះ គឺជាលុយថ្លៃសេវាកម្មមេធាវី។

សាលាដំបូងរាជធានីភ្នំពេញបញ្ជាក់ថា នៅក្នុងរឿងនេះពុំមានចៅក្រម ក្រឡាបញ្ជី និងមន្ត្រីសាលាដំបូងណាម្នាក់បានជួប និងទារលុយពីអ្នកពាក់ព័ន្ធខាងលើ ដើម្បីជាថ្នូរក្នុងការដោះលែងជនត្រូវចោទនោះទេ៕







ព័ត៌មានជាច្រើនទៀតសម្រាប់អ្នក